 |
| ლომისმთის ტურისტული თავშესაფარი |
ეს სურათი არის რამდენიმე ტექნიკის სინთეზი, კერძოდ - გრძელი ექსპოზიცია და სინათლით ხატვა. თუმცა ეს ჩანაფიქრი თავიდანვე არ მქონია და მხოლოდ გადაღების პირობების სირთულის გამო მომიხდა სინათლით დახატვა.
როცა წვიმამ გადაიღო, უკვე ღამის 10 საათი იქნებოდა. როგორც ზემოთ ვთქვი, მთვარიანი ღამე იყო და ღრუბლები რომ გადაიყარა, მთვარემ ლომისმთის ტურისტული თავშესაფარი წინიდან გაანათა. გადაღება მხოლოდ გრძელი ექსპოზიციით დავიწყე, მაგრამ შედეგები სავალალო იყო. კადრი, რასაც ქვია, მკვდარი გამოდიოდა.
 |
| ერთ-ერთი წარუმატებელი შედეგი |
ასე იყო თუ ისე, დამხმარე ძალის ჩართვა გახდა საჭირო. ჩემი თანამოლაშქრე, ნიკო, აღმოჩნდა დაუზარელი და მომდევნო ნახევარი საათი ერთად ვეჭიდავეთ ამ კადრს. ნიკომ სახლს შემოუარა და უკნიდან განათებით ვცადეთ შემდეგი დუბლის გადაღება. პროგრესი აშკარა იყო, თუმცა შუქი ზედმეტი აღმოჩნდა.
ბოლო რამდენიმე დუბლის გადაღებისას განათებაში მეც ჩავერთე და ფანრით ჩრდილში მყოფ კედლებს და მწვანე კარავს ვანათებდი, რადგან მთვარე ზუსტად ჩემს მარცხნივ იყო და საკმაოდ უხეშ ჩრდილებს ტოვებდა როგორც სახლზე, ისე კარავზე.
საბოლოოდ, აი, ეს გამოვიდა ყველაზე კარგი დუბლი:
გადაღებაში გამოყენებული ტექნიკა:
Nikon D90
Tokina 11-16mm
Oben-ის შტატივი
2 ცალი LED ფანარი
No comments:
Post a Comment