როგორ შევარჩიოთ მეორადი ფოტოაპარატი

მეორადი ფოტოაპარატის შერჩევისას რამდენიმე მნიშვნელოვანი ფაქტორია გასათვალისწინებელი. ამ სტატიაში მინდა მიმოვიხილო თითოეული მათგანი და გასწავლოთ, როგორ შეამოწმოთ ფოტოაპარატის მდგომარეობა.

1) ვიზუალური დათვარიელება
ფოტოაპარატების უმეტესობა ინტენსიური მოხმარების შედეგად გარეგან დაზიანებებს იღებს. გაცვეთილი რეზინის გარეკანი, შტატივის სამაგრთან ნაკაწრები, ჩამჯდარი მტვერი მიუდგომელ კუნჭულებში, დაკაწრული LCD ეკრანი. ეს ყველაფერი მიანიშნებს, რომ ფოტოაპარატი ან ცუდ ხელში იყო, ან უბრალოდ დიდი ხანი იმუშავა.



2) ფოტოაპარატის "გარბენი"
ყველა ფოტოაპარატს თავისი "რესურსი" აქვს. ამ რესურსის ფარგლებში მწარმოებელი პირობას გვაძლევს, რომ აპარატი ნორმალურად იმუშავებს. ამიტომ გადაღებუი კადრების რაოდენობის შემოწმება მნიშვნელოვანია.
გადაიღეთ სურათი და გადაიტანეთ კომპიუტერში. შედით საიტზე http://www.camerashuttercount.com/ და ატვირთეთ ეს სურათი. საიტი გეტყვით, თუ მერამდენე კადრია ეს სურათი ამ ფოტოაპარატის ცხოვრებაში. ციფრული ფოტოაპარატების უმეტესობას აქვს ქარხნული გარანტია 100 ათას კადრზე. პროფესიით ფოტოგრაფის ხელში ეს რესურსი საშუალოდ 2 წელიწადში იწურება. თუმცა ეს არ ნიშნავს, რომ აპარატი 100 ათასი კადრის შემდეგ მოკვდება. ის შეიძლება კიდევ დიდხანს ემსახუროს პატრონს (უმეტესად ასეც ხდება).


3) ფუნქციური დათვალიერება
შეამოწმეთ მუშაობს თუ არა აპარატის ავტოფოკუსი, განათება, ღილაკები.

4) სენსორის შემოწმება
ეს ნაწილი ყველაზე მნიშვნელოვანია. სენსორი ფოტოაპარატის თვალები და მისი სული და გულია. აუცილებელია სენსორი სუფთა იყოს მტვრისა და ცხიმის ნაწილაკებისგან, რომ გადაღებულ სურათებს ლაქებად არ დააჩნდეს. მტვერი რამდენიმე გზით შეიძლება მოხვდეს ფოტოაპარატში.

•  ქარხნიდან გამოსვლამდე საწარმოო მტვერი ხშირად სწორედ სენსორზე ჯდება და იქ ცხოვრობს დარჩენილი ცხოვრება. მიუხედავად იმისა, რომ მწარმოებლები მაქსიმალურად აკონტროლებენ წარმოების პროცესს, ეს მაინც ხდება. 
•  თუკი ლინზას სახლის გარეთ, ან ისეთ ადგილას შეცვლით, სადაც მტვრისგან დაცული არ ხართ, დიდი ალბათობით მტვრის ნაწილაკები თქვენი აპარატის სარკეზე ან სენსორზე აღმოჩნდება. 

იხილეთ ცალკე სტატია: როგორ შევამოწმოთ ფოტოაპარატის სენსორი

მტვერი ფოტოაპარატის სენსორზე

თუ გაგიჩნდათ რაიმე შეკითხვა, მომწერეთ ან დატოვეთ კომენტარი.